泰潮 (已結業)

突然心血来潮想食泰菜，但又唔想拣太远的，于是锁定深水埗区。其实深水埗区的泰菜不多，所以就只好选泰潮。睇左好多食评，都话佢唔值得拎米芝连，所以我都抱住中等既期望去食。去到8点钟，都要等下位。等位期间男朋友提醒我原来两、三年前食过！唔记得食过佢，原因只有一个，就系不过不失，不太好味也不太差啦～我地冇叫到二人餐，只叫左一个海南鸡（脾）饭餐、卤猪髀饭餐同蒜茸炒通菜。海南鸡饭可加$5转脾或翼。鸡脾好滑，肥瘦适中。但油饭原全冇味，只有色素，又硬又干，好在有调味酱汁𩠌饭，附送的青瓜粒都好好味，略嫌有点油。卤猪髀的肉质太淋了，虽然卤得够入味，但口感真的不太好，配酸菜有点唔夹。蒜茸炒通菜是最正常的一味，通菜够靓，鲜嫩冇渣。蒜香味浓，加上红椒同姜丝，香辣可口。整体来讲佢唔系话太差，不过深水埗有太多美食，佢被我遗忘是好正常的。