影片
更多
2018-12-30
2416 浏览
原来自己都有五年冇系OPENRICE写过食评,咁唔写唔代表平时唔外出食饭,所以今日开始间唔中更新一下啦,这处开左未够半年,而自己都食左十次八次午餐,一直未食过晚餐,踏入2018年最后三日,决定黎食一次,冬天食寿司可以食到好多脂肪重既鱼类,所以我都喜欢系依个时间食啦,而系大埔不及元朗或者九龙,港岛咁出名,但都系处于开发紧,所以这里系第一间贵价既寿司.午餐300,450元选择,晚餐800,1000,1300元三个选择,,晚餐食的就系最贵一千三百,现在食贵少少都千五元起跳.这里系刺身熟食寿司轮流上,不是先比刺身酒肴,之后再上寿司这个模式.先付比啲清淡少少既食物,不过我系日本食寿司,第一味就系比海胆三文鱼!第二道就奉上北海道产蚝,大只又够肥美,一啖差啲食唔哂,食落冇腥味,质素很不错,就算系日本食蚝都有唔少好腥呀第二道尾长鲷刺身,师傅将山葵早早放鱼肉上面,唔洗自己去处理,系细心~薄切适中,唔会咬唔开,山葵系新鲜磨,不过食贵价寿司店边有可能唔系原条山葵去磨?食鲷鱼刺身都系薄切,不过系日本有啲地方都会厚切.冬天就系会谂起白子,而食得最多一定系鳕鱼白子,同样香港都常见,酢,烧,铁板烧,天妇罗既做法都食
原来自己都有五年冇系OPENRICE写过食评,咁唔写唔代表平时唔外出食饭,所以今日开始间唔中更新一下啦,这处开左未够半年,而自己都食左十次八次午餐,一直未食过晚餐,踏入2018年最后三日,决定黎食一次,冬天食寿司可以食到好多脂肪重既鱼类,所以我都喜欢系依个时间食啦,而系大埔不及元朗或者九龙,港岛咁出名,但都系处于开发紧,所以这里系第一间贵价既寿司.
午餐300,450元选择,晚餐800,1000,1300元三个选择,,晚餐食的就系最贵一千三百,现在食贵少少都千五元起跳.这里系刺身熟食寿司轮流上,不是先比刺身酒肴,之后再上寿司这个模式.
先付比啲清淡少少既食物,不过我系日本食寿司,第一味就系比海胆三文鱼!
第二道就奉上北海道产蚝,大只又够肥美,一啖差啲食唔哂,食落冇腥味,质素很不错,就算系日本食蚝都有唔少好腥呀
第二道尾长鲷刺身,师傅将山葵早早放鱼肉上面,唔洗自己去处理,系细心~薄切适中,唔会咬唔开,山葵系新鲜磨,不过食贵价寿司店边有可能唔系原条山葵去磨?食鲷鱼刺身都系薄切,不过系日本有啲地方都会厚切.
冬天就系会谂起白子,而食得最多一定系鳕鱼白子,同样香港都常见,酢,烧,铁板烧,天妇罗既做法都食过,今晚食的就最烧,要趁热食,滑溜既质感,非常正,除了鳕鱼,油甘鱼,鲷鱼, 三文鱼等都会有,但可遇不可求,有幸的我都食过,这里比既份量都算多,起码二,三啖先食完.
食完白子就接著第一件寿司,比左一件针鱼(サヨリ),十二月开始有得食,去到三,四月都会见到,这里用酢饭唔会过咸,又不会太湿.
𫚕,即系油甘鱼,冬天一定要食𫚕(ブリ),佢既油脂可比鲔,烧过之后食落口油份渗透出黎,入口即溶,这种质素唔可以系放题之类揾到,如果佢系寿司形式上我更喜欢.
香箱蟹香港系比较贵既日本餐厅都会食到,当然也可以在食开既地方叫佢专订都可以,前排系大埔街市都有鱼贩卖,食香箱蟹当然要食蟹子啦,这里帮你拆哂肉,膏,蟹子,配上蟹啫喱.
蒸蛋,唔系放蟹柳嫁!里面放左鲍鱼
又变返寿司,梭子鱼（カマス）,食开都系以烧为主,这里都烧左层皮,鱼则半熟状
食完寿司又变返刺身,虽说刺身,但都会有去调味,加啲酱汁,令到突出味道,食落冇咁闷,牡丹虾配上蛋黄酱,几甜但唔腻我一向喜欢熟虾多于生食,食完件虾仲有少许汁剩余就唔好浪费,叫师傅比一口饭,等我捞埋佢,
白子同𩽾𩾌鱼肝我觉得系要一齐,好似一对拍档,又或者一对情侣存在,鱼肝系自己处理,唔同平常直接交货,配上萝白去中和返油腻味,当然同样肥美啦,二件已经满足.
由𩽾𩾌鱼肝开始就正式爆肥路程,先来一件紫菜紫稣叶夹拖罗刺身,入口即溶,爽爆,紫稣叶中和返.之后就到赤身,我系喜欢赤身多于拖罗,赤身味道系浓,同埋酱油渍既时间好影响件赤身.食完赤身又再黎拖罗寿司,冇乜特别,但寿司店都会安排赤身.拖罗寿司差在几多连发,不过我系日本都食过夜餐系冇鲔鱼,拖罗寿司之后又系拖罗,但今次炭烧拖罗,做一个生菜包既方法一齐食.比起刚才既拖罗刺身及寿司更吸引,非常好食,食到这一刻都饱左九成,因为饮了清酒兼咁重口味会快饱.
海胆用北海道塩水海胆,都甜既,但唔系夏天,未去到最佳状态,穴子个酱有啲甜.
我劲喜欢食玉子烧,这里中午同晚上比既玉子系唔同,晚上系会比蛋糕形式,中午就会比常见厚烧玉子,唔会过湿,几好几好.
最后仲有甜品同生果,真系好饱下,同场仲有其他客请饮酒,开心食饭又唔洗睇人面色啦,食左三个小时非常畅快,接下来间唔中会写下,旁边开了一间叫澄既寿司店,找天会食晚餐,因为晚餐系见真章既事候.
张贴
