相馬日式火鍋 (已結業)

原来西环呢间相马都几大间，几好坐，店员服务又好，食两个钟真系咩都够呀！😽汤底我地简佐一个系黑蒜豚骨锅(+18)，一个系清汤，黑蒜豚骨锅好重猪骨味，亦都有淡淡黑蒜味，成个汤底本身已经系奶白色，满满骨胶原，加埋黑蒜，更加健康，打边炉真系一流呀；另外既清汤都唔差呀，清清地但都有啲味，岩晒啲中意清淡既朋友呀！😻肉类肉类有猪牛鸡任食，鸡都系靓既鸡髀肉，好新鲜，颜色鲜嫩，每旧都大大旧，渌完都仲好嫩口，唔会鞋口，吸收晒汤既香味，好食呀！😸丸类呢度既丸都系自助任拎，款式都多，仲要好食，唔系一般既难食，好弹牙，麻糬丸又烟烟韧韧，肠仔果啲都好食，中意食几多就拎几多，真系可以慢慢黎呀！呢度仲有其他炸物雪糕饮品都系任食任饮，超抵呀！