極品王 (已結業)

喺啱啱嘅星期日去咗呢度食火锅，先叫咗个剌身拼盘同象拔剌身，都唔错！尤其系后者，的确非常新鲜同好味!之后就入正题食火锅。我发觉每一种配料，无论系鸡子、羊件、猪腰等等的新鲜程度同SIZE都系出奇咁一致! 大家如果去的话，一定要试一下佢哋嘅牛肉，系小弟食咁耐火锅以嚟最滑同「林」嘅，结果，我哋一家人食咗三大碟(其中一碟系美国牛肉，无咁滑系牛肉味重)。另外，值得一提嘅系火锅汤底，我哋要咗个猪骨汤底，结果无失望，汤底嘅味道唔错，而且当中嘅猪骨最后一件都无留留底，因为太好味同「林」喇!至于环境方面，座位一啲都唔迫，(虽然铺面唔系好大)，而服务亦好，唔会无人理你。最后，价钱方面，除咗象拔同牛肉比较贵之外(但比较返质素都OK嘅)，其他配料嘅价钱同出边一般嘅火锅店差唔多，而且仲好食啲添! 所以我会再去嘅。