四海遊龍鍋貼水餃專門店 (已結業)

曾经有一排听到四海游龙都唔想去食，因为质素太差。今日等登落去食一转、试试个水准，点知发觉居然好食左！鱼香茄子饭个汁甜甜地，啲肉碎够细、冇筋且唔会「孩口」。茄子有少少太淋身，如果爽返啲效果更佳。但最大问题系唔够热，好似「鲸鲸地」咁，少许呕心。碗面系配杂锦卤水，有蛋、猪耳、豆腐同鸡翼，算系足料。汤底亦够味、面条软硬适中。可惜系碟碟野都系啡tone唔够吸引，令人冇咩胃口。我一向都觉得呢度同八方云集的饺子都唔系好食得：又冻又「痴底」、成日烂鬼晒。而所谓的特别味道都唔太吸引，例如泡菜、咖哩等。今日勉强过关，起码唔会穿底。