叄嵐日本燒鳥串燒居酒屋 (已結業)

今日去到湾仔W square ,见后巷有间隐世日本小店，入去试下，一入到去见到一只猫已迎面向住你叫，就好像欢迎你到来一样，系一间有猫陪住食饭的日式居酒屋，而且仲有两只，一只白色，一只有啡色及黑色花纹，佢地完全唔惊人，相信已习惯招呼客人，也感受到老板是如此喜欢猫及痛锡猫的主人。睇餐牌见到有个二人餐$498，以海鲜为主，岩晒唔洗谂，先来松叶蟹肉沙律，蟹肉都算多，清楚见到拆出的蟹肉，捞埋沙律更鲜甜。烧物有芝士烟肉片的黄金烧蚝，共有四只，够多汁。还有酥炸软壳蟹小食，有两只，蟹身有肉有蟹籽，可留著等𩠌下一道菜-海胆龙虾尾炒饭，到海胆龙虾尾炒饭上枱，龙虾尾开边，基本上系全只龙虾肉都响度，啖啖肉，够弹牙，面层还有一层海胆，好像龙虾膏一样，放在一大碗饭上面，够晒二人份量。最后还有时令鱼-矶烧鲭鱼，一大条，非常浓郁的鲭鱼鱼香味，平时要唧好多柠檬减少鱼腥味，但呢度因鱼够新鲜，完全唔唧柠檬也唔会腥，反而有鱼的鲜甜味。最后还有甜品，系朱古力心太软配雪糕，惊喜地还有一个烘热了的牛角包，这个配搭太妙了，原来三样一齐食系咁夹。