匯味堂 (已結業)

我住喺大角咀但一直都唔知有呢间餐厅，原因系佢夜晚七点先开。今日有缘入去试，餐厅约廿零三十个座位左右，老板和老板娘都热情地招呼，推介是日精选嘅食材串烧。叫咗一碗 姜汁烧鸡扒喇沙，老板系接到order之后先用搅拌机打碎香料，所以汤底饮落比一般嘅清新 ，香而不浓。即叫即烧嘅日式姜汁鸡扒虽然唔系好滑，但系非常多汁。另外叫是日精选黄金贝，黄金贝 其实唔算好大只，一口可以食晒，食得出味道新鲜而且因为火候恰到好处，所以食落有肉汁。蒜蓉同孜然粉嘅调味略重，可能下次可以叫老板调味轻手少少。总括嚟讲，喺呢度食晚饭或者宵夜系一个唔错嘅选择，所有食物即叫即整，特别系人唔系太多嘅时候，可以同老板倾下偈，放慢心境，放低番工或社会给予嘅压力。