大自然素食

营业中

休息中

每年都会同屋企人上一次宝莲寺去祈福食斋，平时出街系唔会特别去食！听朋友讲，"大自然素食"d斋菜够多元化，与别不同，今次就由我率先试下先，下次先带班为食哗鬼去……三个大人，带住一个小朋友，细侄女扭计唔肯行，嚷著要抱……细问之下，原来肚仔饿了，我地将原定晚饭时间提前，五点几就去到餐厅，咁早去到，当然大把位了……餐厅布置清雅洁净，座位舒适。翻一翻餐牌，款式的确林林种种，几乎可以想像出来既食物都有啊 ……首先点住个芝士牛油果焗多士 ，医左小朋友个肚仔先。有四件，唔止每件劲大块 ，仲劲香脆可口，比出面食过既多士要脆口百倍呢 ！舖上软绵绵既芝士与牛油果后，味道独特难忘！知道小孩子嗅米饭，我地特别点上牛油果炒饭 , 呢碟炒饭既开胃又对味，配料有牛油果、蛋、粟米、红萝卜、葱花等……牛油果柔润creamy但唔肥腻，吃时嘴内渗出一股牛油果既香气，口感丰富，味道细腻！跟住来个蒸素菜饺子 ，饀料有咬口，味道突出而清甜。最后拣左个南瓜鱼腩煲 ，南瓜甜甜地，唔会过腍。青、黄甜椒新鲜香脆。鱼腩啖啖肉，几乎可以假乱真 ！每个𩠌都份量多，够饱肚！仲每人送一碗粟米马蹄露 添！粟米与马蹄粒粒，清甜爽滑，润