米走雞Live

营业中

休息中

同老婆一齐去观塘撑枱脚，无意中发现到呢间宝藏火锅店，环境唔错，座位阔落，好多款汤底同食材畀我哋拣。我同老婆都决定今日食清淡啲，就叫咗杞子花胶胶原锅汤底。花胶胶原汤入口好滑，味道特别鲜，有淡淡嘅海水味，味道甜而不腻，滋阴养颜。我哋叫咗几款海鲜嚟食，特别钟意食佢哋嘅美国桶蚝，成碗都系好大只嘅桶蚝，每一只都好新鲜，洗得好干净，冇多余嘅腥味，肉质肥美鲜味十足，值得一试。仲有花枝片，每片肉都好厚实，口感一流，柔软Q弹，食落好滋味，味道丰富，有好好香嘅甜味，咸香味十足，总之就系好食。唔可以错过嘅仲有佢哋自家手打鲜制嘅Wasabi鲜墨丸，用新鲜嘅墨鱼整成墨丸，口感Q弹有咬口，墨丸入面仲放咗wasabi，成粒墨鱼丸食落有好浓烈嘅香辣味，令人一啖接一啖，停唔到口。高质素嘅食物水准，亲切嘅服务，系一间值得回访嘅餐厅。