KITCHEN

营业中

休息中

本身都有少少期待，但系食完真系觉得唔抵食，入去冇几耐头15分钟内龙虾已经冇晒, 冇晒一段长时间，佢都唔加龙虾。去到后尾好多海鲜清咗，佢都唔加。我唔系upload咗同一张相上嚟俾大家睇两次，而系唔同时间出去，海鲜吧都系冇加过任何嘢。而且我觉得好明显系特登唔加，因为佢唔系唔够人手，我见佢系有人企咗喺度做其他嘢，或者唔做嘢都唔会加番啲海鲜。因为我一次都唔系攞好多嘢食，所以我频频出咗去好多次，但系都唔见佢有加海鲜，食咗成晚得出嘅结论就系佢啲海鲜只系30分钟内会轻轻加少少，跟住就唔会再加。认真讲，一间自助餐佢收人都唔系一个好平嘅价钱，仲要今晚系年尾呢啲时间佢收嘅价钱就更加贵，但系啲质素竟然系咁差，其实真系好令人失望，基本上出面好多自助餐平过佢都做到不断refill海鲜，我完全理解唔到点解佢呢间做唔到。