天龍咖喱

营业中

休息中

真系…唔只食咖哩。今日入元朗追叮当轻铁，顺便喺附近揾啲嘢食，就揾咗元朗合益路嘅”天龙咖喱”。由于午餐食得好饱，我哋只系叫咗一个主食、两个小食、两个饮品。主食叫咗”咖喱羊架饭”(转酥饼)，两个小食分别系”天龙鸡皮卷”同”炸牛奶卷”。两杯嘢饮分别系”够姜大可乐”同”柑桔大话七”。羊架上到嚟，香草和羊的香气冲天，直指西餐水平。咖哩原来都有一定辣度，如果唔食得辣要注意，不过佢Menu都有一部份嘅嘢食专为唔食辣嘅人而设。酥饼就正常，点呢个辣辣咖喱就相当开胃，个人认为𩠌饭都好唔错。“天龙鸡皮卷”，香口又有鸡肉嘅丰富味道，最重要系唔肥腻，今次同行人士就算怕鸡皮都食咗好多件😂。“炸牛奶卷”系一个surprise，原来甜甜地嘅牛奶产品衬上咖喱系可以有好大反差，好衬好夹。最后两杯嘢饮都几特别，系真系有姜同柑桔嘅味道，用嚟解咖喱辣都有效果。不过要提嘅系杯嘢饮嚟到要先搅匀佢，否则饮到底𠮶阵会好甜。食咖喱本来消费就唔高，但肉类如羊架做得好好，根本可以当成另一个主菜，同咖喱分开享受。餐厅有纸巾提供，就算觉得辣都可以慢慢呻鼻😂。