HAHA CHICKEN 하하치킨 (西九龍中心)

营业中

休息中

昨天在社交媒体网站上面看到这家店的推广，条片话呢间HAHA CHICKEN既炸鸡又平又好食。作为一名尝过各大快餐店及小店炸鸡的炸鸡控，我专登由港岛区去西九呢间尝试。亦都因为试完之后，第一次系OpenRice开帐户写食评不吐不快。我叫左50蚊一个韩式甜炸鸡餐，有包一个鸡饭同一罐汽水，饭就中规中矩，冇咩好评论，毕竟我系专登去食鸡既，所以就系评炸鸡既味道。讲到个鸡就真系令人大失所望，件件都好细件。食过麦当劳、肯德基、PHD既炸鸡都知，佢地既炸鸡都系手板甘大，份量十足。而呢间HAHA CHICKEN既炸鸡好就似上述快餐店既炸鸡一件切开两半甘，得一半既大小同份量。至于味道，更加惨不忍睹，人地间间炸鸡都好入味，而佢净系酱料有味。如果冇对比其他餐厅既炸鸡，甘当然觉得好味啦，但对比过之后，真系难食过麦当劳。但价钱呢，佢50蚊套餐可以简4件鸡或3件鸡配饭，最平都系一件12.5，不见得平过麦当劳几多。值不值，大家自己有个评价。食评系个人主观感受，客观请自行判断，所有资讯仅供参考之用，不承担任何责任。