意歐

营业中

休息中

今日夜晚大概六点半旺角女人街已经无咩人，病毒变种，过两日又要禁晚巿堂食。趁出开嚟旺角，拣咗一间西餐厅，趁禁晚巿前食返餐。餐厅感觉有啲旧，抬头望有啲位系推咗尘，梳化有啲位爆咗。同朋友两人叫咗每人一份主食，见蚝都几抵，再order多6只蚝。朋友𠮶个牛扒意粉都可以，但系我啲份就真系唔好食，蚝好唔新鲜。套餐嘅忌廉汤同多士。职员话无法国蚝，得日本蚝，蚝肉有啲系离咗壳，有啲就黐住个壳，我食到系有苦味，朋友就食唔出，不过佢话如果唔点酱吃唔落，虽然系平，但质素真系差。焗芝士蒜蓉汁西冷牛扒意粉，呢个我试过味都ok，牛扒唔韧。德国咸猪手配意粉，猪手系炸嘅，又鞋又干，食咁多次猪手今次系我第一次食唔晒。