金東大蜑家私房菜

营业中

休息中

真系唔开post唔得！落单果阵明明同侍应讲唔想食斑马濑尿虾就夹硬落单迫我地食,10条油䲞仔收千几，个紫菜鱼头汤系我人生中饮过最贵既紫菜汤得几旧急冻鱼块紫菜又唔够爽，仲要每人分得细碗仔，个猪润炒蚬啲猪润醉到夹唔到，又要迫人叫两个吊桶，啲吊桶仲要唔新鲜，虾酱吊桶炒时蔬改豆苗加钱又唔讲，岀到嚟标晒水咸到要洗肾！切饼费都要收180/个，我差啲以为自己去左酒店食！所有海鲜价钱又无讲，个侍应完全唔理人感受系咁自sale系咁自己落单！所有𩠌加大又无讲，当客水鱼咁㓥！