綠茶餐廳 (希慎廣場)

营业中

休息中

太耐都冇返过大陆食嘢，有时真系好挂住𠮶边啲餐厅，近排先知道原来绿茶餐厅喺希慎广场有分店，于是今日收工即刻约埋朋友喺呢度食饭！结果真系几好㖞，环境超级有中国风，而且劲多打卡位，下次一定要中午或者晚餐早啲嚟，冇咁多人嘅时候就可以影好多靓相！食物质素当然都唔差啦，完全满足到我挂住北上嘅𠮶种味道。今日叫咗好多样嘢都好好食，我觉得其中一样必点嘅就系个虾汤泡饭，个虾汤真系好浓郁，好鲜甜，加埋而家天气冻冻地，食泡饭就最适合不过 ！钟意虾嘅我哋当然唔会错过佢个粉丝裹虾，整得真系好惹味，啲虾亦都好大只好爽口，非常新鲜！最开心就系有店员会帮你计好时间帮你亲自准备好呢碟𩠌！然后就觉得要叫埋啲青菜，咁啱呢度有高汤虾干小青菜，清清地但又够味，到最后我哋连啲汤都饮埋，都几推介呢个！后来朋友就话不如叫多个肉，于是就拣咗要个面饼酱香五花肉，都几特别，有啲似片皮鸭嘅食法，五花肉肥瘦适中，入面有香浓嘅酱汁，加埋青瓜一齐食，一啖食落去有唔同嘅口感层次。