福元湯圓

营业中

休息中

于北角德成号买蛋卷, 买完再沿英皇道行落去炮台山, 一路行都惊行错路,幸好最后都顺利找到。相信如果不是经过杂志的大肆报导, 人们未必特意找上门,去到已过了五点, 地方细小, 得几张折台, 但坐落就愈来愈多人, 最后还坐满。与一般糖水舖分别不大, 西米露、红豆沙、绿豆沙、芝麻糊..............但当然要试下镇店之宝汤丸啦! 鸳鸯汤丸 $14/5粒: 谂左好耐究竟要双拼定黑芝麻好,最后都决定试齐两种口味,细口咬下去已感觉芝麻馅何其丰富, 流的速度几快, 但胜在唔会水汪汪, 芝麻味极香浓, 有沙沙的感觉, 不太甜, 看过介绍馅是用油炒出来, 所以会有些油味。花生馅相比下稍为失色, 但同样好味同样咁流,非随便用花生酱, 而真系有花生粒, 只是较甜。姜汤够姜味, 与糖的比例刚好, 忍不住要喝光。汤丸的皮够薄够软滑, 不过可以再烟韧一点就好了, 稍为稔了一点。 糖不甩 $12/8粒: 花生糖用个袋仔装住, 自己想落几多都得,够哂贴心? 小丸子软糯得来又唔黏牙, 口感比汤丸好, 较为烟韧, 一粒接一粒令人停唔到口呢! 期间见到唔少人入来买生的汤丸, 大约是甘多元一盒。