堅信號上海生煎皇 (花園街) (已結業)

今日黎到旺角食上海野，而呢间坚信号都食过好几次，价钱唔贵，味道好一向都系我既评价。冇食一排，今次再黎餐牌有少许改动，多左好多唔同既套餐。我地叫左猪扒菜饭套餐，咁就有饭，有豆浆，有生煎包又有碟油菜，另外叫左小笼包、蒜泥白肉。以2个人黎讲，呢个份量可以饱到上心口。小笼包，皮薄馅多汤汁更多，一啖咬落去真系有小小爆汁既效果，如果唔系嗌左其他食物，真系想叫多笼先够喉。蒜泥白肉，蒜味浓，配埋薄切既猪肉更加食到猪肉既鲜，猪肉下面重有几条河粉配住，三样野一齐摆入口真系多重享受。最后就讲下厚切猪扒菜饭套餐，猪扒菜饭份量足，预期话系猪扒，食落更有叉烧既感觉，冇骨啖啖肉好好味，配埋菜饭，如果有多少少汁就更加正啦！另外重有两只生煎包，外面煎得脆脆地，入面既肉馅就好淋好juicy，再加碟油菜，同埋豆浆，真系好完满。