再來一煲 (好順景大廈1座)

营业中

休息中

喺凤攸南街嘅一条小巷入面，揾到嘅呢个火锅小店，铺位唔算大，但环境都整洁，入去嘅时候唔会烟雾离漫。先拣左锅底，叫左半只鸡配胡椒猪肚汤，卖相摆盆唔错，汤底饮落几浓味，不过胡椒味唔算重，惊胡椒味嘅人都啱食。呢间店嘅叫法唔系放题形式，系以逐碟叫嘅方式。豆腐纸几有惊喜嘅一味食品，因唔系间间火锅店有提供豆腐纸，浸汤几秒即可，非常挂汤吸味，叫左一份份量算多。安格斯牛小排融雪做得啱啱好，唔会太冰亦冇出血水，牛味唔算浓郁，但脂肪分布均匀，胜在入口即溶。手切本地牛相比牛小排厚切，较重牛味同埋有咬口嘅质感。即炸响铃有别于平时盒装果款响铃，而系店铺即叫即炸，所以都几松脆可口。然后菜类叫咗娃娃菜同金菇，前者几新鲜同有光泽，而金菇都够爽口同肥美。有点可惜嘅系罐装饮品类算系少，而点餐时见唔到饮品有柠茶等即冲饮品，之后先见到其他枱原来有得叫冻柠茶/水，大大杯咁好吸引。