MOS Burger

营业中

休息中

OT收工晏咗，本来想食shake shack，但谂谂下都系食mos会轻盈啲，大概7点半嚟到都几少人，前排上网见到个寿喜烧汉堡好似几得意咁就试下啦！收到个下我吓亲，牛肉呢？原来因为只蛋太大，其他配料跌晒去后面。都唔紧要，我手动摆翻好先食。摆个阵我已经摸到只蛋系超冻，其他料食个阵都系会跌，我大概食咗半个面包配水煮蛋（无味）。食完只蛋，我得返啲生菜洋葱配一小块牛肉，可能因为只蛋好冻，上面结咗一粒粒油脂。寿喜烧嘅精髓系蛋汁，我见有啲网友只蛋会有汁，而我个只系熟蛋，可能无汁嘅关系，超级咸！出啲奇趣新产品的确可以引人去试，但呢啲咁失败嘅产品只会赶客！虽然呢餐真系好轻盈，但我下次都系食返其他啦！