影片
更多
2009-09-24
35 浏览
过开湾仔, 去到合和对面的QRE 的La Cucina Italiana试下,21/F系饮酒地方, 22/F则系用膳地方, 记得系网上睇过过话呢间餐厅系澳门都有一间, 宜家开到过来香港, 同侍应倾开, 原来大厨同大部份侍应都系菲律宾人, 而La Cucina Italiana 就系解意大利厨房, 等d食客有去到意大利人的屋企的家庭菜感觉可能已经过左午饭时间, 餐厅已经无咩人, 差不多包场, 环境一般, 但有好多装饰品同窗台种左香草, 大部份都系四方台, 餐牌菜式虽然有意大利, 中, 英文, 但点菜却要用英文!首先上左餐厅送的免费小食, 有一篮几片法包, 配蒜蓉香草酱, 蒜头系生的, 都几辣, 蒜头爱好者必好此道, 不过食完口气一定会好劲啦!! 另外又有法包放左蕃茄, 香草酱, 橄榄油, 黑醋, 食落去酸味味都几开胃, 几清新我地点左一个细size的四季薄饼($89), 薄饼系偏薄的, 热辣辣但又唔系好脆, 材料丰富, 有mozzarella芝士, parma ham, 蘑菇, 鳀鱼, 水瓜榴, 吞拿鱼, 洋葱, 葡式肉肠, 橄榄, 蕃茄酱, 味道复杂, 可能每样材料唔多, 未能试出
可能已经过左午饭时间, 餐厅已经无咩人, 差不多包场, 环境一般, 但有好多装饰品同窗台种左香草, 大部份都系四方台, 餐牌菜式虽然有意大利, 中, 英文, 但点菜却要用英文!
首先上左餐厅送的免费小食, 有一篮几片法包, 配蒜蓉香草酱, 蒜头系生的, 都几辣, 蒜头爱好者必好此道, 不过食完口气一定会好劲啦!! 另外又有法包放左蕃茄, 香草酱, 橄榄油, 黑醋, 食落去酸味味都几开胃, 几清新
我地点左一个细size的四季薄饼($89), 薄饼系偏薄的, 热辣辣但又唔系好脆, 材料丰富, 有mozzarella芝士, parma ham, 蘑菇, 鳀鱼, 水瓜榴, 吞拿鱼, 洋葱, 葡式肉肠, 橄榄, 蕃茄酱, 味道复杂, 可能每样材料唔多, 未能试出真味 , 只系食到芝士味不浓, 鳀鱼几咸, 唔通真系受澳门店影响, 竟然有葡式肉肠, 而唔系意大利肠??
另点了Fazzoletto特式芝士菠菜馅角配肉酱 ($89), 其实呢个整法好似意式云吞, 不过我觉得佢应该主要系下左蛋去做个馅角皮, 所以食落去有蛋香, 却没有了意式云吞有面粉的饱滞感, 馅角内有适量的芝士菠菜蓉, 刚刚好, 唔会太腻, 配上大量平时用来整肉酱意粉的蕃茄肉酱食, 都算几好味的一道菜, 不过稍嫌肉酱太多, 用来食多碟意粉都得
最后来的系carbonara ($88), 哗!!一睇个卖相都知唔得啦, 通常d餐厅犯的错系个鸡蛋白汁太稀, 但呢度的竟唔系, 虽然意粉煮得al dente, 但烟肉炸到㶶晒, 个鸡蛋白汁煮到d蛋熟晒, d蛋煮到一旧旧咁, 摆明系煮到过左火啦, 估唔到意大利厨房整呢个菜都失手
仲叫左杯冻latte($28), 冻的鲜奶咖啡无咩特别, 咖啡味偏苦涩, 插上意大利国旗的搅搅棒真系hard sell佢间"意大利厨房"
食品同菲藉侍应服务水平有好有坏, 睇来要系湾仔区杀出血并不容易, 比我选择我会行多两步去日月星街食饭
张贴
