好掂

营业中

休息中

朋友响Facebook见到呢间餐厅嘅广告想试试，几个朋友一于相约周末轻松下。餐厅的确好近地铁站，行一小段斜路就到。餐厅面积很小，大概只有五张枱，所以有心嚟试就要提早预订，亦要准时抵达以便还枱。老板娘态度友善，细心讲解不同牛扒部位嘅分别。仲指左一指墙上呢幅图，等我哋易明d。佢仲特地攞咗啲牛扒嘅真身俾我地拣，我以为我食紧海鲜！几个人叫乜都有嘅小食拼盘最啱，炸蚝--朋友话够juicy炸洋葱圈--正常水准炸鱿鱼圈--鱿鱼好新鲜，唔会韧炸鸡块--脆皮带点辣，够热够脆，鸡肉够嫩。推介！！红菜头沙律--红菜头鲜甜，配上新鲜蔬菜，感觉清新T骨牛扒，我哋叫左medium rare , 近边嘅位置煮得比较熟，冇咗粉嫩颜色，但系完全唔韧Rib eye with the bone 油脂非常香，肉质鲜嫩，算是上乘牛扒，要二拣一都系会食rib eye 酱汁系黑椒烧汁，不过黑椒味真系太淡。Brownie 有啲失望，朱古力味好淡，亦冇味道层次，外面有啲餐厅做到外脆内软热辣辣呢间家庭式经营嘅小店未必样样做得非常出色，但系食物水准已经响好多酒店餐厅之上，又平过酒店一大截，值得一试。