宴 尖沙咀

之前听朋友阿强话佢表妹介绍咗佢呢间日本火锅放题，一直都冇机会约出嚟一齐食，今次难得揾到时间约出嚟食晚饭，阿强就讲要嚟呢度食。谂唔到呢度嘅居酒屋都几有气氛，装饰摆设都富有和风。我哋叫咗最豪华嘅松餐，真系好抵，又有和牛同松叶蟹任食。和牛嘅色泽系非常靓，然后肉片仲有雪花，油脂好多，涮起嚟富有和牛独特嘅香气，肥瘦均匀，每一口都非常肥美，肉质仲好嫩。汤底系酱油拼猪骨，系非常独特嘅搭配，都好少喺外面见到酱油汤火锅，两种汤都有自己独特嘅风味，感觉涮乜都会好好食。松叶蟹就好新鲜，肉非常鲜甜肥美，每一口都系享受，香气十足，喺酱油汤度煮，真系绝。食咗肉仲有啲蔬菜嚟中和一下口味，加啲蔬菜一齐食，非常清爽，不过阿强就唔食菜，一直食肉。我哋都食得好满足，阿强话呢度系佢心目中第一嘅日本菜！