亞參雞飯 (已搬遷) 新店位置

今日同同事喺旺角做完野已经两点，就黎左亚参食野，呢度虽然唔系雅兰正门地库，不过好易揾，门口唔大，不过餐厅又入面座位阔落，都坐得舒服，店员都亲切好客。出名大胃王既同事仲要超肚饿，所以叫左两个餐，再加个多士同虾饼。最后，食好多野既佢都食唔晒。亚参去骨海南鸡饭跟清鸡汤-暂时系我食过最其中一间好食既海南鸡饭，虽然比出而既贵啲，但系值既，鸡滑够味，点唔点酱都好味，仲有个汤都好好饮。明炉酸辣亚参鱼-热辣辣明炉原条䲝鱼，条鱼完全唔腥，肥美新鲜又够滑，再配埋汤底有蕃茄，秋葵同圆茄子，超足料，酸酸地开胃惹味，同事食左𩠌一大碗饭。班兰咖吔多士-用左麦包再夹住咖吔同厚牛油，麦包一啲都唔鞋，同事差啲未影相就放左落口，唔使讲都知好味。香煎手作虾饼-一共有三件，虾饼煎到金黄色，爽口弹牙重虾味，唔点酱已经好好味。马来拉茶/ 南洋咖啡-我本身唔饮拉茶，同事话够浓够滑，而南洋咖啡☕️就香浓得黎唔会苦。