影片
更多
2008-04-03
11 浏览
今时今日估唔到铜锣湾重有D咁既质素既餐厅生存得到既?! 话说今晚我同女友谂唔到食乜, 于是去左金百利睇下, 佢就俾佢个传单上面个所谓"Q版火焰雪山"甜品吸引左, 见佢个餐又唔系贵, 只系$88蚊就有汤, 田螺, 主菜加个甜品, 铜锣湾区黎讲都系平啦, 咁就上去试下啦. 一上到去已经唔对路, 门口无人不突止, 入到去又无人理, 我地见到有张四人枱咁咪坐埋去啰, 隔左好耐先至有个肥佬拎埋两杯水同埋餐具及垫枱纸黎set 位, 连menu都无呀! 咁都算啦, 我地都系谂住照张传单叫. 我就叫左个大虾鹅肝牛柳, 我女友就叫左个带子拼美国西冷. 我地问佢, 有无得要求几多成熟架?! 佢就话, 无架, 厨房整出黎系咁就咁. 咁我地都算啦, 谂住牛柳差极都有限. 先黎两个红餐汤, 正如其它食家话斋, 唔热架! 重要难饮到不得了. 个蒜蓉包脆过饼干, 跟住到个主菜上场, 我第一次见识到乜野叫做鹅肝, 原来系同邮票差唔多大, 块牛柳大约有0.7 - 0.8厘米厚左右, 唔怪之得唔需要理会几多成熟啦, 配上一个酸酸地既怪汁, 我都唔知呢一碟野叫做乜. 我女朋友块西冷亦都系完全熟晒, 但就厚过我既, 大约有1
一上到去已经唔对路, 门口无人不突止, 入到去又无人理, 我地见到有张四人枱咁咪坐埋去啰, 隔左好耐先至有个肥佬拎埋两杯水同埋餐具及垫枱纸黎set 位, 连menu都无呀! 咁都算啦, 我地都系谂住照张传单叫. 我就叫左个大虾鹅肝牛柳, 我女友就叫左个带子拼美国西冷. 我地问佢, 有无得要求几多成熟架?! 佢就话, 无架, 厨房整出黎系咁就咁. 咁我地都算啦, 谂住牛柳差极都有限. 先黎两个红餐汤, 正如其它食家话斋, 唔热架! 重要难饮到不得了. 个蒜蓉包脆过饼干, 跟住到个主菜上场, 我第一次见识到乜野叫做鹅肝, 原来系同邮票差唔多大, 块牛柳大约有0.7 - 0.8厘米厚左右, 唔怪之得唔需要理会几多成熟啦, 配上一个酸酸地既怪汁, 我都唔知呢一碟野叫做乜. 我女朋友块西冷亦都系完全熟晒, 但就厚过我既, 大约有1.5厘米厚, 配上同样既汁, 两件带子, 雪藏货色, 竟然可以做到完全无色泽, 干到不得了.
餐饮我晨早叫左杯红酒, 我女友叫左个雪糕凉粉冰, 我千请万请, 我块牛柳食完红酒先至到, 呢杯红酒亦系我人生第一次. 唔知系我无知定系挑剔, 杯红酒系冰冻架!! 有无搞错呀, 除左白酒之外, 我真系未试过饮冰冻既葡萄酒架, 个感觉真系好奇怪.
主菜食完, 先至上只田螺, 都唔知系咪照过辐射, 只田螺细得出奇, 个薯蓉唔热既, 上面既芝士重有D变坏既味道. 到最后, 原本我女友好期待既Q版火焰雪糕上场, 个所谓火焰雪山, 上面俾火烧过既部份唔系啡色架, 系灰色架, 好似食紧衣纸咁. 最好食就系下面个雪糕, 好食都唔关佢事, 系牛奶公司既!
埋单$194蚊, 我真系唔系好愿俾. 服务差, 食物差, 环境亦差. 千其唔好去食呀!
张贴