魚有魚味 (已結業)

今日又试新餐厅先，同同事1:30pm先行到嚟，一入门口地方好大，客人唔多，好地方丫。侍应著住和服，真系去咗日本🇯🇵，安排我地坐喺寿司师傅前面，同事话对住个靓仔，食欲大增。睇完餐牌，我唔想食太多，所以叫刺身定食，同事要食寿司，叫咗手握寿司。定食嘅前菜，都系𠮶啲，冇咩特别好介绍喇。刺身得5样，厚切，肉质鲜美滋味，咬咗唔想吞落肚咁呀，再配我钟意饮嘅啤酒，好感动。同事个手握寿司，咁师傅等妳食完一件，先再上另一件，咁样保证啲饭、鱼、紫菜都唔会变质，佢都话好好味，我冇带错佢嚟，要有下次添㖞。最后我地想话叫甜品，侍应话我地个餐包一个雪糕，系咁就食雪糕啦。一个正常男人，刺身定食肯定唔够饱，不过我系不正常男人，呢餐我都已经好饱。