皇后餃子 (已結業)

最近疫情下无得出街食晚饭，无啖好食，好多时都系食外卖。今晚去咗买嘢食，谂紧食咩好，见到街市有好多舖头都仲有开(街上夜晚好多舖头都已经收晒)，行行吓见到有间舖头喺度煎紧饺子，带住口罩都闻到啲香味，于是就睇吓呢间有咩食，今次叫了个煎韮饺子，同埋一个麻辣鸡丝捞面。先讲啲饺子，煎得几香口，个皮脆卜卜，配埋个辣汁同埋啲菜甫，几好食。跟住到个麻辣鸡丝捞面，一打开个盒就已经闻到阵麻辣味(好似麻辣火锅𠮶阵味)，一食落口，面如其名，真系几麻辣，同埋啲面好有咬口，唔错。