皇后餃子 (已結業)

其實已經幫襯過好多次，但係一直都唔記得寫食評，今次終於要比番個好評佢先。食過好多次，炸燒賣、狗仔粉、煎餃、水餃都食過狗仔粉唔錯，D辣好辣好正炸燒賣都唔錯，即叫即炸，香脆入面又彈牙但係最好食都係煎餃，食過粟米餃、椰菜餃、白菜餃、韮菜餃，韮菜餃真係好好食首先全部餃子都係即叫即煎/即叫即煮，全部熱辣辣，煎餃全部煎得個皮好脆，特別係D邊位好脆好好食我本身其實好憎韮菜餃，但係呢度d韮菜餃真係好好食，好香韮菜味，但又唔覺得臭，而且煎到好香好脆脆卜卜好好食可以加豉油/醋/辣菜甫，佢d醋好好食，朋友每次都要叫多醋浸住D餃子而我自己就每次都要叫多辣菜甫，D菜甫好好味，亦都有得一樽樽賣宜家多左好多人食，韮菜餃成日賣晒，試過椰菜白菜煎餃都好好食，粟米就冇乜特別水餃都幾好食，不過我最中意佢D煎餃煎到脆卜卜BTW佢D餃子係人手即刻係度搓嫁，有一次買晒佢淨低全部韮菜餃之後，佢即刻拎D韮菜同豬肉出黎，係個大兜度人手撈，咁個價錢真係唔算貴$40/12隻，又可以多醋多辣菜甫咁，真係好抵食最緊要開到凌晨，成日夜晚番到去都仲有得食不過韮菜煎餃成日賣晒太受歡迎了

最近疫情下無得出街食晚飯，無啖好食，好多時都係食外賣。今晚去咗買嘢食，諗緊食咩好，見到街市有好多舖頭都仲有開(街上夜晚好多舖頭都已經收晒)，行行吓見到有間舖頭喺度煎緊餃子，帶住口罩都聞到啲香味，於是就睇吓呢間有咩食，今次叫了個煎韮餃子，同埋一個麻辣雞絲撈麵。先講啲餃子，煎得幾香口，個皮脆卜卜，配埋個辣汁同埋啲菜甫，幾好食。跟住到個麻辣雞絲撈麵，一打開個盒就已經聞到陣麻辣味(好似麻辣火鍋嗰陣味)，一食落口，麵如其名，真係幾麻辣，同埋啲麵好有咬口，唔錯。

同朋友食咗幾次終於寫咗依篇食評因為覺得佢嘅嘢食實在太好食啦首先係紅油抄手，佢啲紅油抄手皮好薄，入邊有好多肉好夠味。最重要係佢個鴻友啊真係夠晒麻甩好滋味我同朋友都食到流晒眼淚，但又忍唔住一啖接一啖平時就會幫襯開佢嘅煎餃。我最鍾意食就係粟米豬肉餃每隻皮會過煎得好脆，而且入邊仲好多粟米，口感非常好食完都想食啲小食㗎嘛，呢度仲有椒鹽燒賣添價錢仲唔貴，椒鹽味都十足，而且炸到好趣卜卜。皮蛋$20盒入邊有一隻朋友覺得有啲貴但係其實我真係覺得太好食啦所以每次都會忍唔住食。同紅油抄手一樣，都係愈食愈辣，但係又辣得好過癮而且佢仲會即刻整返熱俾你，次次都係熱辣辣好惹味 新一排仲推出左XO醬炒麵$20好大盒但係我覺得個味就欠左少少唔夠咸都唔夠XO醬，可以食其他嘢值得一提嘅係呢度嘅菜圃。你買嘢食嘅時候可以叫佢俾啲菜圃你但係如果想食得過癮就可以買一罐返去菜譜好爽口好惹味，加落麵粥白飯都好夾

餃子平靚正，好大粒～口味選擇較小，希望可以研發更多口味。狗仔粉有驚喜，冬菇好足料！最鐘意佢碟菜脯～好味！❤️ 蘿蔔糕都唔錯☝🏻有時口痕想食餃子都會諗起呢間。👏🏻👏🏻

平時都有食開皇后餃子湯餃都算唔錯 見到$15 四件芝士粟米煎餃就立即試吓😋外皮煎得好香脆即叫即煎 熱辣辣🔥🔥🔥仲有豉油辣油菜蒲奉上🥄食落係多栗米同豬肉 芝士欠奉🧀🧀🧀如果改下個名會無咁失望😹.人均消費：$15推介指數：👅👅👅👅👅👅👅（7/10）Encore指數：🤙🏻🤙🏻🤙🏻🤙🏻🤙🏻🤙🏻（6/10）

夜媽媽有d肚餓又懶得開爐，於是落街食煎餃，呢間舖有湯餃有煎餃，我鍾意香口所以叫左10蚊3隻煎餃，皮厚度適中，煎餃唔可以太薄皮。菜肉新鮮，加埋呢間特製ge菜脯，鹹、辣、鮮、香瞬間爆發，菜脯真係好好食，想食幾多落幾多，正！

係馬鞍山公園做完運動，十點幾黎到恆安街市既夜市小食街 🤩 皇后餃子都算呢度比較出名既舖頭。餃子有湯餃，煎餃同蒸餃揀，之前食過煎餃都幾唔錯，夠哂香口，揀泡菜餃就夠哂刺激，呢度既芫茜餃都係比較特叩同出名的～今次食既係湯餃，因為開始凍所以揀個暖胃啲既湯餃。$38 十隻雙併，揀左椰菜豬肉同粟米豬肉。餃子都幾大隻，夠足料。粟米餃略嫌啲粟米粒唔算好甜同唔係好飽滿個隻粟米，但豬肉同餃子都算好食，椰菜餃都相當唔錯。宵夜唔想食煎炸野既平靚正飽肚之選 👍🏻

收咗工好肚餓，經過恆安街市，諗住買下少少嘢食見到賣緊水餃，有得揀煎餃同湯餃，最後買左 30蚊 8隻湯餃， 四隻白菜 ，四隻椰菜。等咗幾分鐘就有，好快手。一開始佢已經加咗少少菜脯，但係唔夠，自己再加咗好多。鋪頭自製嘅菜甫， 直情昇華咗嗰八隻水餃去咗另一個層次。水餃皮厚薄適中 ，裏面嘅菜同肉份量平均，唔會淨係好多菜冇乜肉。食咗八隻已經好飽好滿足。係宵夜嘅個好選擇。 鋪頭仲有得賣包好嘅水餃。如果打邊爐想食水餃真係可以過嚟買返幾隻應該會好好食。最好有得送埋菜甫。

恒安街市裝修後，黎8掛下有咩好野食。買左一盒莞茜餃子返屋企，見到佢係度即包架！可以湯煮，但我揀左蒸黎食。個水餃皮好薄，好in un，岩岩好！另外佢好足料，最愛莞茜，佢肉同菜比例好平均，好好味！

同朋友係馬鞍山踩完單車，聽講話恆安邨街市多左條新食街，於是決定行去睇下有咩食，見到呢間餃子店好似幾多人排隊同大大隻咁就試下，我地買左6隻白菜湯餃，你可以自己揀湯餃定煎餃，佢地有個皇后辣菜脯，大力推介！其實本身餃子都好大隻好足料，而且好juicy但配埋個辣菜脯係湯到係錦上添花，辣得有少少野味，但其實清湯都幾好味，我朋友叫左煎泡菜餃，泡菜唔算好重，想要辣就要配辣菜脯，佢地加埋醋又幾好味，外皮好脆但肉唔乾，高質！下次會試其他味！

After the bicycle day with my friend, we went to hang on estaste to look for something to eat. I ordered 4 kimchi pork dumplings which taste fabulous. I chose to pan fry one and its so crispy on the outside and juicy on the inside. The kimchi and meat are perfectly blend together. Love their dumplings!

和朋友打算在恆安街市買點小食，朋友說這家的餃子好吃，所以提議買來吃。我們選了芫荽煎餃和椒鹽燒賣。呀姨問我們芫荽煎餃要不要辣，我們說要少辣。每個煎餃也大大粒、脹卜卜，外皮香脆，餡料滿滿又多汁，面頭鋪了微辣的菜脯，加在一起好吃。至於椒鹽燒賣，椒鹽雖不太濃味，不過也不錯。

係馬鞍山行完山，都唔知有咩下年茶好食，一直聽聞馬鞍山係食物沙漠😂無咩好野食hahahaha同行朋友想食生炸雞脾🍗所以揾左間叫「正一冰室」，點知去到人地3點收左爐🙈隔離竟然有好多小食檔，有唔同款嘅野食！ 見到有兩條隊排緊，其中有一條就係「皇后餃子」，見到大部人都係叫煎餃或者椒鹽燒賣，燒賣個樣好出色！仲要抵喎，$10 7粒，就排一排！真心好味😍炸得夠耐！超級脆😍😍 食完會好想再食😂 最瘋癲係聽到啲人話呢啲小食檔全部都收零晨2點lol

人人話馬鞍山係美食沙漠，但近年已經好左D，新港城已多左餐廳，頌安有吉野家，恆安街市食街，但老實說，恆安街市的熟食市場真麻麻地，唯此餃子店確實幾好食又掋食，$10有三隻煎餃，仲要即叫即煎，餃子脹卜卜的用料充足，味道亦有7-8款選擇，更有比較少見的芫茜餃子，今次買左韭菜煎餃，韭菜香，餃子皮煎得脆脆的內裡肉汁充足，加上店子自制辣菜普，又香又嘢未。除了煎餃，湯餃更掋食$30有10隻但湯底一般，亦有狗仔粉，炸燒賣，煎蘿蔔糕...一等等小食，狗仔粉湯底香濃。

行到邊食到邊～恆安市集～皇后餃子-HK$30/10韮菜餃子脹卜卜的餃子，一囗咬落去D汁爆曬出嚟🤩韮菜及豬肉餡料好平均。豬肉是半肥瘦，這樣配搭令饀料不會太實，提升鬆軟感。另外一定要配皇后菜甫，更惹味😋😋😋😋一睇就知道皮薄饀多，外皮下隱若看到綠色的韮菜及半肥瘦的豬肉😍HK$20狗仔粉🥣好濃🦐米味，好多冬🍄 粉軟硬度剛剛👍🏻-HK$12/3粒炸大魚蛋普通魚蛋-HK$100唔駛已經食🉐️好滿足。不過食完有少少口渴😅-