港灣薈 (已結業)

上个星期六，专登同屋企人去附近嘅酒楼饮茶，享受一下家庭乐😍一去到餐厅门口，明明入面有好多枱系吉嘅，而每张枱最多两三个人唔使搭枱，门口嘅知客都同我哋讲普通座位已经爆满，要我哋每人加$5茶钱坐茶王厅，我觉得非常荒谬😡，讲一啲与事实完全不符嘅嘢要我哋俾贵啲嘅茶钱，绝对欠缺商业道德，扭曲事实，后尾我同佢讲返先话出边 有枱可以唔使加贵啲茶钱坐 ！我哋三个人叫咗大概七样点心🥧包括有雪山叉烧包、虾饺、马拉糕、煎肠粉、布拉滑肠、烧腩仔配白饭🍚、炸鲜竹卷，普遍食物品质都勉强符合最低要求嘅，都算热嘅、熟嘅，不过下次再食就不了！整体来讲唔太抵食，七样点心连茶钱已经三百几蚊，人手有好缺，门口嘅知客缺乏诚信，次次叫咗好几次先可以帮我哋加返水，服务态度认真差！