麵屋丸京

营业中

休息中

葵芳难得一间拉面店，冇睇Menu就入店，坐低后见到Menu果刻，我睇到一个位，思考咗好耐都唔系好明，真叉烧？点分真叉烧同叉烧，基于好奇点了丸京拉面$100配小虾干酱油清汤另加$12。拉面到咗果时我第一眼完全分唔出真叉烧同叉烧外观上有咩分别，唔讲咁多肚饿，试试个汤底，汤底有虾味，起初以为就咁虾油去带出虾味，点知原来汤底下有大量樱花虾，咁有诚意加分。面冇得选择硬度，食落似平时「普通」口感，对于偏好「硬」嘅我都可以接受。真叉烧与叉烧系有分别嘅，真叉烧属于慢煮叉烧，唔似叉烧有火炙过嘅黑色边，食落味道分别唔算好大，不过肉嘅份量就好大，menu写每样有三块，但上碗时见到又唔止呢个数，定系佢计重量？唔理啦，总知啱晒食肉兽嘅我，叉烧因为薄切关系，口感唔会话有肉汁锁住嘅感觉，肉面都偏干身，浸汤再食会好味啲。赛后检讨：如果唔系太大食，叫一个豚骨拉面就够，份量都偏大碗，性价比就见人见智。食紧同食完我都饮咗唔少水，可能个汤底都有少少浓要冲番淡，响葵芳呢个地方有间拉面店算唔错，个价钱就进取咗少少，如果唔一定要食拉面的话，我都会过番隔离葵广扫街。