田籽茶事 (已結業)

最近心情唔好，冒住暴肥的风险啪返杯珍奶安慰下自己。第一次帮衬。本来见到openrice佢有个紫薯厚鲜奶优惠好似几吸引，去到舖头见到佢有手作珍珠，都系转返去饮珍奶。因为病到死死下，叫左热饮，少糖。拎上手唔算好热，系岩饮嘅暖，颜色都比一般珍奶深色好多，似港式奶茶咁。个人比较偏爱重奶味，未饮之前有d惊会嚡口，点知佢茶味香浓之余，都好滑。珍珠好弹牙，又唔会韧到好难咬，好难得热饮珍珠都咁有咬口。收银哥哥仔竟然系真台湾人，我叫完先发现佢一脸黑人问号，先听到佢讲国语，好有礼貌，唔知系咪生意唔好，佢好落力介绍舖头优惠同分店。like fb or ig第二杯半价，都几抵，仲有集点卡。