大雞食堂

营业中

休息中

去海湾仔食晏，经过电车路见呢个招牌大大个，明确系食鸡嘅，就入去试吓。可能系晏昼两点多嘅关系，唔使排队就可入坐，餐厅入边亦冇乜人。佢咁大只字写住大鸡，梗系叫鸡扒食啦，我哋一个叫做咖喱鸡扒饭，另一个叫咗葱油鸡扒饭，鸡扒果然煎得好香脆，入边好Juicy，佢嘅咖喱系马来咖喱，唔系好辣，啱晒我唔食得，而葱油鸡扒饭，佢加咗少少豉油喺个饭度特别好味，葱油亦做得出色，佢冇一般烧腊舖比嘅葱油咁咸，岩晒我唔想食咁咸的，鸡扒都系好好味嘅鸡扒。食完真系会挂住，会返转头食果种。