日本野 (已結業)

本身见到呢间餐厅都几多好评，谂住试吓啲新嘢 就去咗呢度食，一开始嗌咗个自选丼饭 刺身一般 个饭仲难食过争鲜 仲嗌咗个牛肉寿喜烧 个寿喜烧又咸又甜好重口味 仲嗌咗个火炙芝士三文鱼寿司 味道普通 最尾仲嗌咗个甲罗烧 味道根本就系罐头蟹膏味 第一位同事仲要较大咗火 搞到烧穿咗个蟹壳 仲有烧㶶咗嘅蟹膏味 到我哋去食第二个嘅时候先有同事见到教我哋点样食同埋帮我哋较细咗火 但系味道其实都系罐头蟹膏味 个甲罗烧就食咗$198 真心唔值得呢个价 我哋用餐时间系两小时 食咗一个钟 我谂住问佢个甜品度写字得唔得 因为同女朋友纪念日庆祝吓 佢话做唔到，因为唔够时间溶朱古力 我真系心谂一个钟都溶唔到个朱古力？ 系你地唔想做定系做唔到？ 我自己都系做西餐厅 我知道出个甜品要几耐 系咪真系做唔到？买单因为有订枱八八折 食咗$664 可能每个人口味唔一样 但我觉得呢个价买单我可以食到咁好嘅食物。