The Joomak (已結業)

今次同朋友黎试咗呢间尖沙咀海港城嘅餐厅，以韩式fusion菜为主打，咁所以啲配搭都比较新颖。装修𠮶啲唔多讲，直接入主题啦。落完单先来左个cocktail，叫做爆谷荔枝·韩shake，材料有爆谷糖浆、荔枝肉、梳打水同埋冧酒。上枱时有埋个shaker，店员会响你面前制作埋杯特饮。制作出嚟个效果真系惊为天人，我未饮过咁难饮嘅cocktail。𠮶阵爆谷糖浆嘅怪味真系令我有些少想作呕，基于唔想浪费之下，我饮咗半杯到都真系顶唔顺。同朋友两人叫咗三款嘢食，味到都真系麻麻。有个泡菜煎饼，冇乜特别亦唔系煎得特别脆，泡菜味又唔浓。个韩式烤辣猪肉就比较正常，用啲菜包住嚟食都算系OK嘅，猪肉味道都系用经典韩式辣酱整。跟住呢一个菜式都几经典，个名叫泡菜海鲜炸豆腐汤配蒜蓉包，饮落净系得一阵番茄味，好似饮紧番茄汤咁。但系竟然个𩠌名系冇番茄呢个字。咁泡菜味究竟去咗边呢？可能系我地选择差啦，拣咗啲最唔好食嘅嘢。不过我谂我再返嚟食嘅意欲都唔大啦。