Knead (已結業)

呢间店开嘅时候好大寄望，因为鲗鱼涌无咩好三文治店，所以开咗即刻去试，一般啦，间唔中食都可以。点知越做越差，今日买咗两个自选三文治做晚餐，Chicken Schnitzel 三文治 HKD 63，Ham 三文治 HKD 60，本来两个都要 rye bread，店员话唔够做两份，唔紧要，鸡𠮶份要咗 Turkish bread。边等边出汗，喺得一个客嘅情况吓都热成咁，唔敢想像繁忙时间系点。返到屋企即刻开嚟食，一咬个 Turkish bread 只门牙即刻痛，系好韧，好难咬！放弃面包斋食馅，俾 d 馅吓亲：d 鸡肉连炸𠮶个皮，最厚都只系 1cm！好耐无写食评，今次忍唔住要即刻写。HKD 63 换嚟嘅系而家仲好肚饿，我谂我唔会再去。