真心泰國菜館 (已結業)

本人最喜欢东南亚菜，尤其泰菜。上星期刚刚去完曼谷，又想再回味一下泰菜既美味😋餐厅地点方便，地铁站两分钟就到啦，虽然地方唔大，但装饰好有心思，最喜欢天花顶舖满既彩色伞，环境充满东南亚气氛，餐牌以木板制成封面，未用餐整体感觉良好。食物我点了一个细冬阴功、红咖哩猪肉饭、芒果糯米饭。冬阴功材料好足，有大量菇、两只虾size都唔细，去了虾肠感觉干净，食落好放心，味道方面偏辣，怕辣的人就应该受唔住啦，但本人最爱辣，所以呢个汤对我来说正好，汤内有唔少材料，所以味道好浓，泰国当地都未必有咁足料同浓味既冬阴功，推介！红咖哩猪肉饭都系材料充足，有猪肉片、茄子、不同的泰国蔬菜、用料好多够惹味，仲有金不换提起了整碟菜既香味，好食！好挂住泰国既芒果糯米饭，所以要点😁虽然份量偏少，但胜在卖相有心思，椰汁亦够多够香。服务亦周到，侍应会主动加水，最后两个人食左$253，食饱饱满足的一晚。