魚鈁 (汝州街) (已結業)

朋友生日，拣咗鱼钫，位置方便，系正西九对面，好易揾！提前有bk，但去到都等咗阵，唔紧要，多人帮衬先代表佢好食！🤤铺头都颇大，装修简单，楼底高嘅原因，好阔落，坐得好舒服！虽则话就话主打四川嘢，但其实好多嘢有得拣辣度之余，仲有得拣姜葱，都几体贴，唔食得辣都可以放心食！酸菜桂花鱼：真心岀色，饮咗两大碗汤，鱼都好新鲜，基本上冇晒骨，啖啖肉！豆腐粒：炸到劲松脆，好味！鸡血：认真，冇食过鸡血，估唔到又几好味㖞，同猪红有d似！姜葱鱼春鱼卜：戏肉黎啦，平时都唔食鱼卜，但见系招牌即管叫黎试吓，有惊艳到！完全唔腥，走完油鱼春好香，包住d鱼卜，真心好好食！椒盐白鳝：白鳝好新鲜，椒盐又增加咗香味，一流！总括黎讲，又系劲满足一餐，好食，坐得舒服，服务好好，有咩理由唔帮衬！