漢堡佬 (已搬遷) 新店位置

日日食lunch都系食茶记，真系好腻，咁岩同事买左汉堡，又几大个㖞。见佢食到系咁话好食，抵食咁，我即刻问地址去买。呢间汉堡佬汉堡真系多选择，又有牛肉，又有鸡肉，又有软壳蟹，又有虾，仲做埋意粉，小食。厉害！嗌左个$38元祖脆鸡汉堡，再加$22薯条。面包有用牛油先烘过，生菜同蕃茄都大片同新鲜，鸡堡炸得金黄色，好厚一块。一啖咬落去食到晒所有食材嘅味道，特别系炸鸡好多肉汁，加埋酱汁嘅搭配，味道好有层次。薯条都好大份，都系新鲜即叫即炸，好香脆，番茄酱都俾咗好几包。份量多，咁饱肚，又好食都系$60，真心抵食。