大川滬 (已結業)

星期日去咗土瓜湾买嘢,之后顺便系附近揾嘢食.行咗一阵见到有间叫大川沪既餐厅,睇一睇个Menu,都好多选择,无人反对之下我地三个人就入食. 餐厅名都讲咗喺食川沪菜,当然会有我钟意食既香辣菜式啦. 呢度除咗一般既小菜散叫,早午下午茶晚餐宵夜唔同时段都有套餐,仲开到零晨一点!钟意出夜街嘅我又多一个选择. 讲返食物,我地三个人,叫左个杭州肴肉,小笼包,煎锅贴,上海粗炒,川式回锅肉,老板仲介绍左个小炒王,同埋佢地既银丝卷下午茶餐,个名好正!蒸嘅叫「八戒误闯盘丝洞」,炸既叫「牛魔王硬闯盘丝洞」,呢两款系喺银丝卷入放入唔同既配料,加埋沙律酱(蒸)或者黑椒汁(炸)系面, 就好似热狗咁,好有心思,非常有创意, 睇得出厨师同老板对食物既热诚. 就连其他食物嘅质素都好有惊喜! 杭州肴肉入口爽软, 小笼包皮薄但唔会一夹就散,回锅肉唔油腻,小炒王香口惹味. 全部都好有惊喜. 绝对可以返头再试之选!