Contrast

营业中

休息中

下午茶想食个甜品，见到朋友介绍呢间有一个好吸睛嘅窝夫甜品，所以就决定一战。 开心果柠檬蛋糕 $50另外一个餐牌推介，应该系期间限定。面层满满嘅开心果一入口已经够晒香口。入面系一层好软熟嘅柠檬蛋糕，口感已经攞晒分。蜜糖芝士奶盖糯米窝夫 $112首先卖相已经一流。原粒青提够甜，底有手工蜜瓜酱好特别。窝夫面头少少脆，内里少少软我好钟意，面加咗啖啖嘅芝士奶盖，好香滑，但最精彩系碟中间𠮶一大旧忌廉芝士，我忍唔住大口大口直接队入口，𠮶种浓浓嘅芝士味加埋厚身嘅口感，简直正到晕晕地。用窝夫掘一pat一齐食又得，加埋几甜又会痴牙嘅焦糖脆脆又系咁夹。食完知后，慢慢食埋枝啖啖嘅牛奶雪条，俾自己冷静下，最后饮埋杯$38 冻美式咖啡，完美嘅下午茶，舒服晒。