大佳B甜品屋

营业中

休息中

啲野难食不特止个老板娘态度又差🙄之后都唔会再食大佳b。讲真，大佳b 唔系未食过，系由细食到大，今日去食番，真系难食到不得了。首先，个焦糖炖蛋，一啲焦糖都冇，又冇蛋味，摆咗好耐咁。第二，个杨枝甘露劲希，好似沟左水咁。最差就系个招牌芒果布甸，我以前都好钟意食，今次一上枱只色已经唔对路，劲浅色，放入口无味，啲水果仲要唔新鲜，我哋同老板娘反映，重要好串话无问题，系我哋口味变咗😓，真心无奈，嬲到即刻唔要但可惜影唔到相，见到咁小客都估到应该系差左，但无谂到差到咁，难怪生意咁差，去哂隔离啦。