法國小屋

营业中

休息中

今日同朋友嚟元朗觅食，佢话呢间法国小屋好多人介绍，我地都嚟凑下热闹。呢到主打甜品，但都有意粉同咸（甜）品，lunch set等。我地先叫左个招牌千层芝士薯片伴沙律一齐食。热辣辣焗起，片片薯片加上拉练效果嘅芝士，好夹又邪恶，好味道，搭配清新沙律可以平衡下。午餐另有跟配饮品。之后就食甜品，拣左呢到大热嘅窝夫同苹果批。招牌窝夫如果有点选午餐，可以优惠价$28追加半份招牌窝夫。窝夫烤得非常香脆，食落又有蛋香，口感又好，外脆内松。好味到我地再追加窝夫🤣香蕉朱古力窝夫卖相好吸引，同样松脆香口，朱古力酱配搭香蕉甜得嚟唔会觉得腻！真系好味道！苹果批因为呢个见网民话好食，但真系已经几饱，所以点左半份，真系非常推介!!一片片苹果片铺系表面，仲有焦糖酱，重点系个批底好好食，比起坊间好多甜品店出色好多，而且呢款苹果批我觉得更加好味，批底唔会太厚，酥脆可口。佢圣诞期间都有推出左唔少菜式，可以试下。