影片
更多
2013-05-07
4111 浏览
跟几个朋友嘅饭聚，想食自助餐，又唔想花得太多，六国酒店嘅Le Menu绝对食得过，不过，另一选择亦可拣利景酒店嘅逸亭餐厅，都喺属于市区少有仲喺卖紧$300楼下就有交易嘅自助晚餐。逸亭都唔喺第一次帮衬，不过对上一次原来已经喺2007年年尾嘅事，有食评为证，睇番啲相，环境好似无乜点变，所以食物嘅量同款都相差无几，但喺就无咗以前嘅Spinning Salad喇！虽然依期餐厅嘅自助餐主题叫「春日自助餐」，但似乎都喺个虚衔，然而食物方面都喺大包围，样样有啲，基本如沙律、海鲜、冷盘、餐汤面包、热盘、鱼生寿司、烤肉、粉面档、甜品、自助饮品吧……等等，叫做「麻雀虽小，五脏俱全」。之不过亦有佢卖点，例如：芝士盘、海南鸡饭、粉面、即做窝夫、班戟，都唔好错过。沙律虽然无再搞Spinning Salad，但沙律吧一样有睇头。3大盘沙律菜，当中共有4、5款蔬菜，而侧旁仲有9款蔬菜类配料，如翡翠苗、三色灯笼椒、红菜头……等，加埋7款佐味配料（烟肉碎、橄榄、芝士粉……），一定捞出自家心水沙律。千祈唔好忘记加酱汁，4款酱汁分别喺芝士沙律汁、油醋汁、千岛汁及蜜糖芥末汁，后者最得我欢心。唔想烦自己搞都有计嘅，晌冷盘𠮶边都
虽然依期餐厅嘅自助餐主题叫「春日自助餐」，但似乎都喺个虚衔，然而食物方面都喺大包围，样样有啲，基本如沙律、海鲜、冷盘、餐汤面包、热盘、鱼生寿司、烤肉、粉面档、甜品、自助饮品吧……等等，叫做「麻雀虽小，五脏俱全」。之不过亦有佢卖点，例如：芝士盘、海南鸡饭、粉面、即做窝夫、班戟，都唔好错过。沙律
虽然无再搞Spinning Salad，但沙律吧一样有睇头。3大盘沙律菜，当中共有4、5款蔬菜，而侧旁仲有9款蔬菜类配料，如翡翠苗、三色灯笼椒、红菜头……等，加埋7款佐味配料（烟肉碎、橄榄、芝士粉……），一定捞出自家心水沙律。千祈唔好忘记加酱汁，4款酱汁分别喺芝士沙律汁、油醋汁、千岛汁及蜜糖芥末汁，后者最得我欢心。
唔想烦自己搞都有计嘅，晌冷盘𠮶边都有几款调制好嘅沙律：泰式牛肉沙律、薯仔沙律、螺丝粉沙律。以泰式牛肉沙律较特别，故都夹多少少。
整体味道唔错，沙律吧啲料够新鲜，全部冰镇住，感觉冰凉清爽。而泰式牛肉沙律确喺几有趣，咸咸辣辣，别有点泰式风味。
海鲜三百零蚊嘅自助晚餐期望有新鲜生蚝供应，似乎不切实际。但海鲜阵容都唔差，有蚬、长蟹脚、濑尿虾、蓝青口、八爪鱼、甜虾、纽西兰青口，每次出少少，去货快，但补货都OK，甚少有缺货情况。当中蟹脚稍为咸，而蓝青口、甜虾最好食，其他嘅属不过不失。
冷盘今次冷盘就衬埋沙律一齐食，因为见有几款冻鱼及冻肉肠，可能会稍咸，故夹沙律就可以平衡一下。冻鱼要齐烟三文及胶鱼，另一边拼盘中有好多选择，拣咗沙乐美肠、烧牛肉及一款肉卷，令到我份沙律极之丰富。此外，冷盘仲有啲日本绿茶冷面、日式八爪鱼、芝麻海带、螺肉……等几款日式食品。
芝士盘近年好多自助餐都有提供芝士盘，不过都喺两三款应吓场。但估唔到晌度嘅芝士盘竟然有成5款之多，分别喺法国嘅Sainte-Maure、Camembert、Brie，荷兰嘅Edam，以及丹麦嘅Danish Blue，其实小弟对芝士唔喺咁叻，餐厅印备咗芝士名称，我都只喺照字搬字俾大家知道吓佢哋个名。不过，慢慢细尝，质感、味道又各有分别，净食确喺几有趣，如怕芝士朕浓味，配克力架或面包都可以。
餐汤．面包是日餐汤喺栗米忌廉汤及节瓜汤，水准普通，而餐汤后方放有面包篮，有数款欧陆小圆包及面包条，都几唔错，如果喺暖烘烘就仲正。
热盘场地所限，热盘可谓一眼睇晒，一共有12样嘢，概略为大家介绍下：古法姜醋猪手、蒲烧茄子、炒杂菌时蔬、忌廉汁焗青口、烧三文鱼头、烧羊架、椒盐炒大虾、粉米粉、清蒸海鲈鱼、炆牛筋、炒饭、马来咖喱烧鸭，整晚都无乜转款，来来去去都喺食十多样。期间曾见过有出芝士焗蚝，不过好快就无晒，亦唔见有返货，好可惜！热盘一环，感觉上款式相对弱啲，不过，蒲烧茄子、椒盐炒大虾、清蒸海鲈鱼、炆牛筋及马来咖喱烧鸭都做得不俗，尤其炒大虾几厚肉，蒸鲈鱼好鲜甜，炆牛筋劲腍，而马来咖喱颇芳香。粉米粉、炒饭就唔沾手喇，留肚食甜品吖嘛。
鱼生．寿司有吞拿鱼、三文鱼、油甘鱼、八爪鱼等4款大路鱼生供应，而寿司及寿司卷夹埋亦有6、7款，虽然睇落都唔差，不过，今晚对鱼生寿司真喺兴趣唔大，所以就无帮衬，俾唔到味道、质素嘅评语喇。
即煮粉面档平时去食自助餐真喺好少食粉面，太易饱肚喇，不过依度嘅粉面档又几有卖点，除咗一入门口就喺成个大牌档之外，面条之选择喺少有嘅咁多，甘笋面、菠菜面、上海面、油面、河粉、米粉、粗面、银针粉，单点、两沟都得；而𩠌料亦唔少，鱼皮饺、鲩鱼片、鲜虾、鱿鱼、猪腩肉……共12款，连蔬菜一样提供多款选择，如生菜、菜芯、银芽、木耳、翠玉瓜……近10样。「求其」样样点啲都可能成一大碗，所以我哋就点一碗嚟几个人分享，志在试一试。甘笋面搭菠菜面，虽然味道唔喺好突出，胜在喺健康之选，汤底有喇沙汤同牛肉汤，放面嘅喺喇沙汤，都OK㖞，入口辣香；另外叫师傅俾一小碗牛肉汤，肉味几浓，但净饮会稍咸，捞埋啲粉面可能会正常啲。至于其他𩠌料，属平稳，始终都喺啲大路货色。
粉面档「铺位」仲提供埋海南鸡饭，又喺值得一试，同样，我哋几个要一碟嚟分享。鸡油饭做得几香、几油润，而鸡肉挺嫩滑，几有鲜鸡味。海南鸡饭必备嘅甜酱油、姜蓉、辣椒酱都一样预备好，悉随尊便。档口前仲有啲以铁板盛载嘅小食，如煎萝卜糕、生煎包、牛仔肠、煎饺，但感觉好似摊凉晒，唔喺好有吸引力，无试到。继要梗喺转战甜品。
甜品亮点绝对喺4款Dreyer’s雪糕，窝夫机同迷系班戟机。依晚嘅Dreyer’s雪糕有曲奇妙趣、杏仁、芒果鲜果及云呢拿，所以先嚟一个DIY甜品拼盘：新鲜窝夫配曲奇妙趣、杏仁、芒果鲜果雪糕伴蜜糖朱古力浆，再加埋班兰蛋糕、年轮蛋糕及芒果布甸、红莓奶冻、德国芝士饼，几咁丰富嘅甜品拼盘呀！因为样样都喺心水，所以特别滋味，正。
除此以外，甜品都仲有好多的的骰骰嘅款式，如桂花糕、草饼、蛋白球、忌廉蛋糕、蛋挞仔、面包布甸……等等，摆设得几靓，而热食嘅蛋挞仔、面包布甸之类又放晌暖柜烘住。不过综合大家嘅意见，似乎味道唔喺太出众。
见佢仲有个木桶豆腐花，有感好耐无食过，就临尾再战多碗豆腐花先，不过唔甘心就咁食就算，所以加啲生果变成为鲜杂果豆腐花，理应会几好食，不过豆花尚暖，入口感觉怪怪，应该一早摊定一碗豆花先，哈哈。题外话，热食豆腐花你谂到仲可以捞咩好？其实仲可以加落啲清汤面度，放点辣油同肉碎，我晌贵州出差街边就有好多小铺卖豆花面架喇。
自助饮品吧有可口可乐、雪碧，不过唔喺支装又唔喺罐装，你当佢喺大樽装，饮几多斟几多，前段小弟就加片柠檬变柠乐，边饮边食。另外咖啡、红茶随你拣，临尾配甜品，总喺叹杯即磨咖啡先够爽。
几个朋友成晚唔停咁食，又倾过不停，时间过得快。做人嘅嘢，真喺好想闲闲逸逸，好嘢食唔停！
题外话/补充资料：
春日自助餐嘅收费如下：星期一至四，成人收$318，小童/长者收$248；星期五至日、公众假期及前夕，成人收$338，小童/长者收$268。汇丰、恒生、Citibank有8折，当然唔及Openrice优惠券有7折啦，折咗贵极都唔过三百，以上述食物嘅种类同款式，同屋企或朋友叹番餐，都几唔错！食自助餐胜在随大家钟意食乜就拣乜，唔使担心人哋嘅口味，又可以想食几多就几多，唔使担心叫得少试唔到，叫得多又食唔晒！
临走仲拎晒张自助餐单张，原来餐厅晌星期六、日嘅「自助午餐」仲搞咗个小童cupcakes创作班，凡惠顾自助午餐嘅小朋友就可以免费参加，亲自设计两款可爱又独一无二嘅杯子蛋糕，亲子好节目。而自助午餐收费如下：星期一至六，成人收$198，小童/长者收$168；星期日及公众假期，成人收$228，小童/长者收$198。
(以上食记乃用户个人意见 , 并不代表OpenRice之观点。)
张贴
