影片
更多
2023-04-13
2263 浏览
今次系第二次嚟，上次系食晚饭，静嘅，唔太多人，地方望落亦都唔觉太舒适，所以都系抱住是但试吓啦，无抱好大寄望，加上啲伙记麻麻地醒目，所以好有保留⋯⋯点知，食完觉得大部份嘢食都好食㖞😳兼几实惠😙👍🏼所以就有第二次了，今次系食晏，未到正午，上到去已经坐满晒人，要等位。今次有食点心，有食炒饭，有食小菜，样样都几好，以下跟喜好排位😄👍🏼酿虎皮尖椒，真系好鬼好食，连啲甜甜地嘅豉油都好好味😋呢个小炒皇系encore ，材料好丰富，估到同无预计嘅都有，有鲜带子，鲜虾同虾干，有啲似蚌又似吊片嘅嘢，菜甫切长条，韮菜花都好好味，可以话系出色。另一惊喜之作系个炒饭，鸡粒螺粒炒饭，砂㶽上，好干身，好香。呢碟猪仔脚，一降落响枱面时，有啲唔开胃，啲色水麻麻，有一只半只直头无上过色，但食落口竟然有好够味，同埋焾度刚刚好😄系正嘅。七色炸豆腐，胜在热辣辣，唔系好吸引我，唔系佢嘅错，系我唔特别好，但佢做得系好嘅，内里豆腐系滑溜溜的，同枱嘅系嫌佢份量太少。呢个点心拼盘，我个人认为个马拉糕最好食，烧卖喳过虾饺，其他几样无食无comment，但同枱话只素饺👍🏼乳鸽我无食，同枱话唔够热，皮唔够脆，我点只不过系见有人钟意食，38蚊又
所以就有第二次了，今次系食晏，未到正午，上到去已经坐满晒人，要等位。
今次有食点心，有食炒饭，有食小菜，样样都几好，以下跟喜好排位😄👍🏼
酿虎皮尖椒
23 浏览
0 赞好
0 留言
呢个小炒皇系encore ，材料好丰富，估到同无预计嘅都有，有鲜带子，鲜虾同虾干，有啲似蚌又似吊片嘅嘢，菜甫切长条，韮菜花都好好味，可以话系出色。
另一惊喜之作系个炒饭，鸡粒螺粒炒饭，砂㶽上，好干身，好香。
呢碟猪仔脚，一降落响枱面时，有啲唔开胃，啲色水麻麻，有一只半只直头无上过色，但食落口竟然有好够味，同埋焾度刚刚好😄系正嘅。
七色炸豆腐，胜在热辣辣，唔系好吸引我，唔系佢嘅错，系我唔特别好，但佢做得系好嘅，内里豆腐系滑溜溜的，同枱嘅系嫌佢份量太少。
呢个点心拼盘，我个人认为个马拉糕最好食，烧卖喳过虾饺，其他几样无食无comment，但同枱话只素饺👍🏼
乳鸽我无食，同枱话唔够热，皮唔够脆，我点只不过系见有人钟意食，38蚊又唔贵，所以先叫，至于个烧腩仔都系搏一搏，同样系不过不失。
呢只系我第一次见嘅，花𣄃参汤虾饺😑⋯⋯唔可以话唔好食，本身虾饺好食，个汤都好饮，但无必要咁样食法啰🤣
影漏咗第一碟嚟嘅叉烧肠，好食，啲芫茜无蒸到黄晒，食落竟然系爽口，味道仍然浓郁，无肥腾腾叉烧😅，啲肠粉无粉项味。今次叫嘅嘢系多，但因为味道好，所以系十分乐意打包返屋企。
上次嚟嘅时候，啲伙记唔醒目，今次一样都有唔醒目嘅伙记，但亦有唔错的，有好贴心嘅传菜姐姐，好有礼貌问清楚，落豉油嘅过程俾人好有heart嘅感觉，又有伙记(可能系部长)，明明见佢都一手碗碟好忙咁，但个姐姐佢都好耐心帮我哋跟进啲漏咗嘅单，反而有个明显高级少少嘅部长阿哥，两手空空，截住佢，佢竟然话忙着执枱，叫我等😪⋯⋯佢无返过嚟啰。
整体来讲系满意㗎，有机会会再去，一定再点的一定系小炒皇☺️
张贴
