薩莉亞意式餐廳 (西九龍中心)

营业中

休息中

萨莉亚源自日本，但系喺日本嘅时候完全冇留意有呢间连锁餐厅，直至大约一年前朋友介绍先至喺香港第一次食，之后喺日本见到原来萨莉亚有好多分店，行行吓就会见到一间，只系以前一直都冇留意😆今日喺深水埗，就去咗呢间分店午餐。一个人又想食pizza又想食意粉，咁就叫咗黑椒鸡肉薄饼，同埋明太子鱿鱼虾仁意大利粉。等咗5分钟就先嚟pizza，薄饼边焗得脆脆地，芝士算系几多，不过冇乜香味；鸡肉切成一粒粒，偏瘦，整体来讲中规中矩。个Pizza食得7788嘅时候，个意粉就嚟埋，睇落煮得较干唔够sauce, 食一啖，几好味，唔算太干可以接受，原来佢捞得唔匀，明太子同虾仁味道OK，食到最后见到都有几多明太子，原来跌晒落碟底，咁我即刻捞番匀佢😁好饱，味道可以，真系超级平。仲有，喺日本食过几次萨莉亚，似乎都比香港好味，餐厅就一定比香港干净好多。