一喜‧拉麺

营业中

休息中

放假黎石门行下，京瑞好方便，港铁站一出就系，京瑞有1期同2期，行下肚饿就要揾野食，试下一喜拉面。铺面细细望下门口个餐牌，发现都几多选择㖞，浓底可以选唔同浓度，拉面底可以选择唔同软硬度，果然好细心，就拣你试下。同朋友叫左两个拉面两个小食两支饮品。我地叫左个鸡叉烧味肉酱油鸡汤拉面、猪软骨拉面、炸蚝、饺子。讲下我个拉面唔单只汤浓而不咸，个味道系好日本feel，拉面软硬度我拣普通，黎到不软不硬刚刚好，快叉烧厚到呢，不得了系厚得黎好淋好好味。朋友个款猪软骨拉面佢都赞不绝口，话个猪软骨超级好味，汤底好浓，正。两款小食都系即叫即炸，个蚝一咬落系有赶嘅，入面都有汁好味，个饺子真系要赞下煎到有层薄脆好似食薯片嘅声，总言之就系好味。