小茶堂 (已結業)

间中都会去买台式饮品，不过唔系特别沉迷，而家好多呢类饮品都要排队，尤其是过江龙，有D试过都不外如是，反而我几钟意呢间小茶堂。本地饮品店，位于好景果边，人来人旺都几旺场，但不至于要排长龙，所以我行过都会买来饮。今日喺呢头打完边炉，好口渴，就买杯解解渴，等左几分钟就到手，好有效率。menu都系主打台式饮品，有水果茶呀，鲜奶类等，比较受欢迎就系黑糖饮品啦，个个都手拎住一杯，又可以打卡呃个like。价钱唔贵，廿零蚊有交易，而且大部分饮品都可以自己拣甜度同冰量，都好弹性，始终唔系个个受得甜或者钟意冻饮。我拣左一杯水果茶，要微糖啱啱好，因为我自己预左会偏甜D，好饮呀，入面有百香果啦，多数水果茶都会有，始终味道比较明显；另外有橙同苹果，最细心系佢地将橙肉榨左，所以唔会净系饮到百香果味，有少少似香橙绿茶，几清新解渴，而且有茶味。个人认为点水果茶微糖以下都可以，本身水果都有甜度另外点左我最爱嘅抹茶鲜奶加黑糖珍珠，呢杯真系好正，推荐。抹茶味浓郁回甘，唔需要特别调较糖度，我点少糖都ok，完全唔洗怕甜。摇匀后就系一杯非常香滑嘅抹茶鲜奶，混合得好好。而最赞系佢地嘅黑糖珍珠，珍珠有弹性，而且有黑糖香气。