沐白小農 (已結業)

放工行过沐白小农，见d人拎住一杯两杯咁，我就索性去买杯慰劳下自己，顺便买d返屋企请屋企人饮我就叫左杯招牌黑糖波霸鲜奶，虽然睇唔到佢鲜奶系咩牌子，但一饮都饮得出系真正既100%鲜奶，而唔系用奶精奶粉冲出黎，果然冇呃人我最欣赏佢d黑糖珍珠，基本上成杯野既甜味都系珍珠到黎，配上鲜奶，甜度岩岩好，而且珍珠口感好弹牙铺头周围都有d好贴心既小提示，教大家点饮先系最好，店员系你拎饮品果阵又会再提下你，非常贴心之后就买左杯珍珠红茶拿铁，佢一做好拎出黎果下系有两层颜色，睇落都几靓，最岩用黎拎住打卡茶味几出，珍珠都几弹牙，同黑糖波霸鲜奶唔同既系，珍珠冇咁甜，糖味相对主要系靠奶茶，但又唔会盖过茶味最后买左杯大甲芋头鲜奶芋泥比例都几多，口感香甜绵蜜，饮落都几滑而唔会好粉，估唔到配鲜奶系咁夹，甜味都岩岩好！