明記甜品 (吳松街) (已結業)

每次去佐敦一带晚饭， 都好心急想去明记食返碗糖水先食饭， 但次次都比我身边个肥仔反对， 一定要我食完饭先可以去食糖水， 否则唔比我食 !! 我有次就系会合佢之前用左10分钟自己去偷食左先碗喳咋先 . 其实我真系好钟意食亦好为食！！言归正传讲返间糖水店先，呢间店名虽然叫明记甜品， 但佢地冇卖什么棉花冰、奶冻、布甸。。。等等甜品， 只卖十几蚊一碗嘅传统中式糖水。 甜品中我最爱系红豆沙， 但食过头几次后， 呢几年我每次到此都并非食我最爱， 而系我第二最爱冻喳咋，原因唔系佢嘅红豆沙唔好味， 而系佢嘅喳咋正过红豆沙， 呢度嘅喳咋我个人认为系全港最好味最真材实料嘅喳咋， 入面有嘅所有红豆、红腰豆、三角豆、眉豆、麦米、芋头粒。。。样样都煲到好淋但食落又有口感， 甜度又唔太甜啱啱好。 我有次好过份， 一次过食左2碗！另外， 我个肥仔每次陪我来都系食芝蔴糊加汤丸， 佢话呢度嘅芝蔴糊好得，又唔会水了了, 汤丸又多蔴蓉。唯一唔好系因香港法例唔比佢地摆台出门口空地开档， 而店内又三张台仔可以坐低食，所以有时去到要等位， 有位又坐得好迫， 食完又要快D起身埋单走轮到下一批人， 最好系 6-9 点呢段时间冇咁