影片
更多
2020-09-08
178 浏览
庙街聚集左唔少陀地老店，相信庙街玉子烧无番咁上下实力同自信都唔会够胆入去插旗，今晚同朋友食完饭唔够饱，决定去会一会佢。临近十点，附近好多餐厅档口都准备收档，但街上依然人来人往，黎呢度买外卖ge都唔少，而我就系舖头前面路边坐折凳，一路食好野，一路感受最贴地ge人间烟火，过瘾。🍴蟹酱芝士玉子烧 HK$40蛋用左日本相扑蛋，蛋香颇浓，不腥不臭，蛋身软熟。我最怕芝士太霸道，而呢度ge芝士就刚好，唔会抢左蟹子同韩国蟹酱ge咸鲜香味，面头仲加左木鱼碎同沙律酱，整份玉子烧以香甜为主，辅以咸鲜吊味。朋友话第二间同样价钱份量得三分之一，馅又少，呢度真材实料又抵食。🍴大盒拼盘 HK$70铁板鱿鱼须挂住甜甜地ge酱汁，表面微焦，肉质实净得黎唔韧，亦唔会霉到软皮蛇咁，出色。以前只食过炸鸡软骨，贪佢脆口，但通常多油多粉，而铁板烧都系第一次试，佢唔脆，但又香又爽口，而且唔会成口油。一口牛粒系安格斯牛，肉味不错，可惜炒得唔够平均，有d腍，有d又韧。呢盒野加埋辣粉真系非常惹味，送酒一流。📍庙街玉子烧油麻地庙街30-34号地下B4号舖
庙街聚集左唔少陀地老店，相信庙街玉子烧无番咁上下实力同自信都唔会够胆入去插旗，今晚同朋友食完饭唔够饱，决定去会一会佢。临近十点，附近好多餐厅档口都准备收档，但街上依然人来人往，黎呢度买外卖ge都唔少，而我就系舖头前面路边坐折凳，一路食好野，一路感受最贴地ge人间烟火，过瘾。
🍴蟹酱芝士玉子烧 HK$40
蛋用左日本相扑蛋，蛋香颇浓，不腥不臭，蛋身软熟。我最怕芝士太霸道，而呢度ge芝士就刚好，唔会抢左蟹子同韩国蟹酱ge咸鲜香味，面头仲加左木鱼碎同沙律酱，整份玉子烧以香甜为主，辅以咸鲜吊味。朋友话第二间同样价钱份量得三分之一，馅又少，呢度真材实料又抵食。
🍴大盒拼盘 HK$70
铁板鱿鱼须挂住甜甜地ge酱汁，表面微焦，肉质实净得黎唔韧，亦唔会霉到软皮蛇咁，出色。以前只食过炸鸡软骨，贪佢脆口，但通常多油多粉，而铁板烧都系第一次试，佢唔脆，但又香又爽口，而且唔会成口油。一口牛粒系安格斯牛，肉味不错，可惜炒得唔够平均，有d腍，有d又韧。呢盒野加埋辣粉真系非常惹味，送酒一流。
📍庙街玉子烧
油麻地庙街30-34号地下B4号舖
张贴
