影片
更多
2022-06-23
100 浏览
今日同朋友行油麻地，经过呢间餐厅，个名叫「村爷爷」几特别，吸引左我注意，我地停低睇佢门口有啲明星去帮衬既相，电视播紧影帝推介既片。睇到佢主打系龙虾汤，花胶鸡煲，几吸引，开始肚饿既感觉，于是就排队等位。等左阵，好快都有位，服务员带我地入去，服务态度几好，铺头唔算大间，但座位都算阔落，唔会同隔离枱既人太近。我地分别叫左「鲍鱼花胶螺头鸡煲翅」、「鲍鱼花胶虫草花鱼头汤」、「墨鱼手指拼鱼腐」、饮品就即磨日本炭烧咖啡同埋热情果梳打。上菜速度都算快，两煲都好足料，每煲都有圆肉，瑶柱粒，花胶，鲍鱼，「鲍鱼花胶虫草花鱼头汤饭」个汤底一啲都唔腥，好浓郁，忍唔住饮左几啖汤，鲍鱼size对比呢个价钱系可接受，有半边鱼头，都唔腥，我将成碗饭倒落个煲度，饭连汤一齐食，另外，热情果梳打唔会太甜，份量都几大杯。朋友果个「鲍鱼花胶螺头鸡煲翅」，我试左几啖个汤，无谂到有螺头都唔会咸，味道适中，亦都好浓既花胶鸡汤味，有成半边鸡，啲鸡都几嫩滑，仲食到有几排翅，真系性价比高，真心推介，朋友话杯炭烧咖啡唔错，最后个小食亦都好好食，墨鱼手指好香脆，炸鱼腐亦都同其他餐厅唔同，唔错。朋友话下次要再黎，试下果个龙虾汤，期待😋😊
张贴